Un para ta baha drenta un kui si no tin maishi aden? Un trampa ta dal sera si nada no a kai aden?
Amos 3:5
E propósito di e diabel ta pa pone un trampa pa nos kai aden. E diabel ta studia nos diariamentu pa asina e buska un manera pa tin nos den su garanan. E ta opservá nos komportashon, nos pensamentunan, nos palabranan, nos aktitutnan pa asina na e momentu eksakto e por tira nos den su kui. E kui ta representá nos boluntat propio. Na momentu ku nos hasi nos boluntat, nos ta kai den e kui di e diabel.
“Pasobra tal bes Dios por duna e hendenan ei oportunidat di kombertí i yega na un konosementu real di e bèrdat. E ora ei nan por bini bei i skapa di e trampa ku diabel a gara nan aden pa pone nan hasi loke e ke.”
2 Timoteo 2:25 – 26
E uniko manera pa bo por wòrdu salbá di e kui di diabel, ta na momentu ku bo arepentí di bo pikánan. Na e momentu ei Dios ta kuminsá kontrolá bo bida, pa asina bo biba segun Su boluntat. Bo mester ninga bo mes i biba segun e boluntat di Dios.
Pastor Ricardo Oliveira.
