E orashon di Spiritu Santu

61

Tin biaha, nos no sa kon hasi orashon, paso nos ta den un krusada, sin sa kiko ta e boluntat di Dios.

Ta un ser keri ku ta den un estado terminal i nos no sa si hasi orashon p’e kura di e enfermedat òf pa e persona risibí forsa pa enfrentá su ùltimo dianan i honra Señor den tur su doló.

Otro biaha, ta un matrimonio problemátiko, yen di traishon ku nos no sa si e mester wòrdu restaurá òf nan kada un mester sigui ku nan bida otro kaminda.

Sin konta di e trabounan difísil ku ta trese e deseo di sali, pero e duda ta trese kune si esaki ta e momento.

Preguntanan asina ta wòrdu hasi tur dia pa e kristiannan ku ta enfrentá atversidat.

Sí, den hopi okashon, tin insertidumbre kon pidi òf kiko pidi.

Pero, kontrali na nos indesiso, e ekstraordinario ta sá ku e Spiritu Santu sa bon kiko pidi na nos fabor.

I ta É ta Esun ku ta yuda nos, intersedé pa nos den nos debilidatnan.

Loke nos no sa, É sa. Loke nos pidi robes, É ta pidi korekto.

P’esei, ta solamente konfia ku e Boluntat di Dios, sea bon, perfekto i agradabel, lo ser hasi.

Pa konkluí, mi ke enfatisá ku no tin niun posibilidat ku Dios Tata ta keda sin skucha Dios Spiritu Santu.

Paso, ta Dios papiando ku Dios na nos fabor.

Si bo konfia pa É hasi orashon pa bo na e momento difisil akí, e orashon di djÉ ya a wòrdu atendé.

Esaki no ta maraviyoso?