Kompronde dikon bo ta e ser mas inteligente na mundu, i kon pa usa esaki na bo fabor!
Tin hopi kos pa bo siña riba e mundu akí. Idioma so tin míles. E sensia, e teknologia, e artenan. Hopi di e kosnan aki ta proboká nos kuriosidat, pues, den e mundu maravioso akí kreá pa Dios, El a laga hopi kos pa nos eksplorá. Sinembargo, awor, di tur loke tin pa siña, no tin duda ku loke ta mas importante ta tokante Esun ku a krea tur esakinan. I dikon ta solamente e ser humano por apresiá e kosnan aki?
E preguntanan aki ta hiba nos na e Kreadó, e Fuente di tur e konosimentunan aki. Manera ta pará skibí: “Señor ta bisa lo siguiente: Hende sabí no mester bende grandi ku su sabiduria, hende fuerte no mester broma ku su forsa, ni hende riku ku su rikesa” (Yeremias 9:23). Nada di esaki ta motibu di gloria i ta Dios ta bisa esaki.
I E ta sigui: “Si un hende ke broma ku algu, lag’e broma ku e konosé Mi i sa ku Ami, Señor, tin amor berdadero i ta aktua riba mundu segun hustisia i derecho. Hende asina ta agradá Mi, Señor ta deklará” (Yeremias 9:24).
Ke men, di tur e konosementunan di Tera, esun mas sublime ta e konosementu di Dios. No ta sa di religionnan, paso tin hende ta tuma e kaminda robes den e buskeda aki. Un kaminda so tin: “Hesus a kontest’é: Ami ta e kaminda, bèrdat i bida; niun hende no por yega serka Tata, si no ta pa medio di Mi” (Huan 14:6). Pero, tin personanan ku ta barka nan mes den un aventura di añanan riba mundu, studiando i skuchando gurunan. I e persona ta bira mas konfundí i bashí di loke e tabata ora el a kuminsá.
Dios no ta den e religionnan. Dios a siña nos pa busk’É den “spiritu i den bèrdat”. Kual ta e palabra ku bo ta kere ku ta bai presentá bo na Dios di e mihó manera ku no ta esun di Su mes? Pensa un poko. Pa konose algu, bo mester haña informashonnan berdadero tokante e asuntu. Asina, si bo ke sa tokante algu, bo ta informá ku outoridat tokante e asuntu. Si bo ke konose Dios, ken ta e outoridat mayó den e asuntu aki? E mes. I El a laga e Beibel Sagrado pa nos. Esnan ku busk’É ku sinseridat lo hañ’É.
Pablo a splika: “Anto komo nan no ta haña ku nan tin ku tene kuenta ku Dios, E ta entregá nan na nan mes mente korumpí di moda ku nan ta hasi kos ku no ta nèchi” (Romanonan 1:28). Ke men, e personanan ku no tin e mínimo interes di buska Dios tin sintimentunan malu. I ora bo mira sierto personanan “eksitoso”, bo ta mira kuantu koi kèns nan ta praktiká den nan bida personal.
Mi ta konkluí bisando, si bo ta bai siña tokante algu, pone Dios den tòp riba lista. Pero E ta revelá solamente na esnan ku ta busk’É ku sinseridat. I esun ku konos’É, ta bira sabí.
