Ken ta mas importante?

214

Ora Señor Hesus a manda nos mira pa e flornan di mondi, kiko bo ta pensa ku E tabata ke siña nos?

“Paga tinu kon e flornan di mondi ta krese. Nan no ta hasi trabou ni traha paña. Sinembargo Ami ta bisa boso ku ni rei Salomon, den tur su grandesa, no tabata bisti bon manera un di nan. Si ta asin’ei Dios ta bisti flor di mondi ku awe t’ei pero mañan ta bai tirá den fòrnu, kuantu mas lo E bisti boso, hende di poko fe!”
Lukas 12:27‭-‬28

Usando e ehèmpel di e flornan, nos SEÑOR a mustra nos ku tur esten ku nos ta anshá ku e kosnan tereno, E ta kapas di bisti un flor simpel ku e pañanan di mas bunita riba mundu. Un kreashon asina sensashonal ku ta imposibel pa e wòrdu imitá pa un estilista famoso.

E mandamentu di wak pa e flornan ta un simbolo pa nos siña konfia ku Dios por i ke proveé tur loke nos tin mester di dje, inkluso kuida di e detayenan, ku aparentemente, no ta nifiká nada den nos bida. Ta sorprendé ku Señor Hesus a bisa ku nisikiera Salomón, den tur su grandesa, no a logra bisti di un forma mas bunita ku e flornan aki.

Probablemente Salómon tabata tin un kantidat grandi di pañanan. Sin embargo, un flor chikitu asina, ku solamente un sèt di paña, a surpasé den beyesa.

Si, eksaktamente, esei ta loke nos a lesa: e gran rei Salomón a pèrdè kontra un flor, ku a nase spontaneamente den mondi. Dilanti esaki, ta eksistí un preokupashon ku no ta lagando bo drumi? Ku un Dios asina ekstraordinario, bo ansiedat ta nesesario?

Kiko bo ta haña si mihó nos obedesé i mira pa e paranan di shelu ku diaramente ta wòrdu alimentá pa Dios, òf pa e pañanan bunita i perfekto ku E ta duna pa e flornan?

Bo ta kere ku bo bida no ta mas importante pa Dios ku esun di un para òf esun di un flor pasahero?