¿Kiko ta e importansia di e boutismo?

45

Un video ku ta sirkulá den e redenan sosial ta laga un reflekshon hopi importante pa e bida kristian, tokante e boutismo den awa, ku ta nifiká e deramentu di e kriatura bieu.

 

E Palabra di Dios ta afirmá ku e boutismo no ta algu opshonal, sino un práktika ordená pa e propio Señor Hesus: << Esun ku kere i batisá, lo ta salbá, ma esun ku no kere, lo ta kondená>>, Beibel ta bisa den Marko 16:16.

 

Pa medio di e boutismo, esnan ku entregá nan mes na Dios ta pasa forma parti di e kurpa di Kristu, i un di e mayó ehèmpelnan ta Señor Hesus, ku a baha den awa i asina kuminsá Su ministerio akí na Tera.

 

Den su buki <<E Spiritu Santu>>, obispo Edir  Macedo ta splika pakiko e Yu di Dios mester a batisá. Mira:

 

«Pa nos por kompronde tokante e nesesidat ku Señor mester a batisá, tantu den awa pa inmershon komo den Spiritu Santu, nos mester sa ku El a bini riba e mundu akí di e mesun manera ku tur ser humano, ku un gran diferensha: El a wòrdu generá den e barika di e Virgen Maria pa obra i grasia di Spiritu Santu. Su manifestashon akí na Tera, promé ku el a muri, resusitá i ser glorifiká, E tabata eksklusivamente humano, manera kualkier un di nos. P’esei, tabata esensial pa E risibí tantu e boutismo den awa komo den Spiritu Santu, ku a akontesé ora ku E tabatin trinta aña di edat i, ku a kapasit’É pa kuminsá Su ministerio akí na Tera. Si Señor Hesus tabatin ku batisá, tantu den awa komo ku Spiritu Santu, pa kuminsá Su ministerio, mas nos ku a kometé tantu fayo, eror i pikánan. >>

 

Wak e video i reflekshoná pa bo mes:

 

Pa ser batisá bo mester kere, i si bo ta deseá di sigui den e kamindanan di Hesus, e ora ei bo mester arepentí i entregá bo mes na djÉ. E boutismo ta un mandamentu di Señor Hesus, e ta tambe un etapa importante den e bida di un kristian i di esnan ku entregá nan bida na djÉ. Pero mester kompronde ku ta abo ta disidí di batisá.

 

Si ainda bo no a disidí di bandoná e aktitutnan bieu i entregá bo mes na Dios, no pèrdè mas tempu, buska awe mes un universal mas serka di bo kas i tuma e desishon korekto.