¿Pa kiko boutisá?

36

Hopi ta deseá di tin un bida nobo i pa e motibu akí nan ta aserká pa buska di Dios. Pa por haña e kambio akí, ta nesesario rekonosé ku bo ta pèrdí den piká, pa despues bo arepentí i finalmente boutisá den awa. Asina, pa fe, e naturalesa bieu keda derá, bo ta sali limpi for di awa i risibí, na un momentu, e Salbashon. Despues bo mester lucha pa keda mantené.

 

E boutismo den awa ta indispensabel pa e personanan ku despues di kombertí kontinuá biba den e mundu korupto akí. Pa bo no kontaminá bo mester ta “derá” òf”morto”, di manera ku e piká no tin ningun dominio riba bo.

 

Kiko mester pa bo boutisá?

Pedro a kontestá: “Kombertí i laga batisá boso den nòmber di Hesu-Kristu, pa Dios pordoná boso pikánan. I Dios lo duna boso Spiritu Santu” (Echonan 2:38).

 

Un persona ta kla pa batisá den awa solamente ora e ta sigur di ta arepentí di su pikánan i a aseptá Señor Hesus komo su Señor i Salbador.

 

E boutismo no ta sirbi pa bo kùra, pa laga un mal kustumber òf pa risibí un bendishon. Su propósito ta, dera e naturalesa bieu, ku ya a muri ku e arepentimentu. Esun ku boutisá sperando ku ora e sali for di e awa su mal kustumbernan a disparsé manera e arte di magia, ta kompletamente ekiboká, mester drenta den e awa arepentí i kombertí.

 

Pa e motibu akí, niun hende no mester boutisá promé ku el a disidí di bandoná e piká definitivamente.  E mester hasié solamente si  e ta determiná di no bolbe praktiká e kosnan inkorekto ku e tabata hasi den pasado.