Trese henter e diesmo den mangasina, pa por tin kuminda den Mi kas, i poneMi na prueba awor den esaki, e SEÑOR di ehérsitonan ta bisa, ‘si Mi lo no habri pa boso e bentananan di shelu, i basha asina tantu bendishon, ku boso lo no tin sufisiente lugá pa konten’é. E ora ei lo Mi reprendé e devoradó pa boso, pa e no destruí e frutanan di tera; tampoko boso mata di wendrùif den kunuku lo no laga su drùifnan kai promé ku su tempu,’ e SEÑOR di ehérsitonan ta bisa.
Malakias 3:10-11
1er Nos Akshon: Habri nos mente i kurason pa aseptá e Bèrdat, rekonosé nos erornan i kita for di nos kurason hende, kosnan òf statusnan ku ta okupándo e promé lugá ku mester ta okupá dor di e Kreador; I Dios den Su Reakshon lo habri e bentananan di shelu riba nos bida pa duna nos su pas, enkurashamentu, sabiduria, fortalesa… “Señor di ehérsitonan ta bisa – si Mi lo no habri e bentananan di shelu pa boso”.
2do Nos Akshon: Basha nos bida, konfiansa, speransa, alma na Su Pianan – riba e Altar di Dios; I Dios den Su Reakshon, lo basha Su Bendishon riba nos bida pa duna nos Salú, Direkshon, Speransa, Alegria… ” i basha asina tantu bendishon, ku boso lo no tin sufisiente lugá pa konten’é.”
3er Nos akshon: Reprendé pensamentunan malu kontra nos mes, kontra hende, kontra Dios, kontra nos metanan, kontra loke ta di Cesar i loke ta di Dios – e Sagrado; I Dios, den Su reakshon, lo reprendé e akshon di e devoradó for di nos bida, liberando nos di aksidentenan, katastrofenan, atakenan, estafanan, i liberando nos di maldat i di e malbadonan. ´´E ora ei lo Mi reprendé e devoradó.´´
3 Verbo ku Dios ke Usa den Bida di e Suidadanonan di Su Reino aki na Tera:
- “’si Mi lo no habri …”
- “Mi basha …”
- “Mi reprendé …”
- Si mi tin e 3 akshonnan aki – e 3 aktitutnan aki pa ku Dios, lo mi ta probando na mi mes ku mi ta un siudadano di Su Reino, i E, na su turno, lo reakshoná manera El a primintí. E Doño di e Reino di Dios i tur hende riba mundu lo mira ku mi ta un Suidadano di Su Reino, i pa motibu di esei, e diferensia lo ta EVIDENTE.
– Laga nos kere, aktua, obedesé, ta fiel, rekonosé i purba ku Dios ta na promé lugá den nos bida i tur hende lo bisa: “… bendishoná, pasobra boso lo ta un tera agradabel,’ e SEÑOR di ehérsitonan ta bisa. ” (Malakías 3:12)
- Dios ta kla i kier REAKSHONA pero, E ta warda pa nos FE aktua!
