E Don akí ta ser elevá den e di tres beatifikashon; un kualidat di karakter di esnan ku ta heredá e Tera Primintí, bo por lesa den Mateo 5:5.
Humildat ta e resultado di un humildat berdadero, debí na rekonosementu di e balor di otronan, i komo konsekuensia, deshasí di su mes, ke men, di e eventual superioridat.
Den humildat nos ta mira un sumishon respetuoso di e spiritu humano na e Spiritu di Dios i tambe na hende. Un di e ehèmpelnan den Beibel, ademas di Señor Hesus, ta Moises:
“Moises tabata un hòmber masha humilde, esun di mas humilde di tur hende riba mundu.” (Numbernan 12:3 )
I den e mesun kapítulo akí nos por komprobá e manera ku Señor ta trata Moises: Señor a bisa Moises, Aaron ku Miriam mesora: “Boso tres bai tènt di enkuentro.”s Nan tres a bai. Awor Señor a baha den un pilá di Nubia bai para na entrada di tènt di enkuentro. El a yama Aaron ku Miriam i tur dos a bin dilanti. El a bisa: “Skucha loke Mi tin di bisa: Ora tin un profeta entre boso, Ami, Señor, ta presentá Mi n’e den vishon i papia kuné den soño. Pero Mi no ta hasi asina ku mi sirbidó Moises. E ta e sirbidó di mas fiel den tur mi sirbidónan. Kuné Mi ta papia direktamente, kla, sin nada misterioso. Asta e mag mira Mi. Kon boso a tribi kritiká mi sirbidó Moises?” (Numbernan 12:4-8)
E spiritu mansu di Moises, ku tabata forma parti di su karakter, tabata impidié di tuma akshon kontra di Miriam i Aaron. E tabata kere den e hustisia di Dios.
Realmente, ku un spiritu di humildat ta hopi difisil pa kumpli ku rebelion di otro; sinembargo, ta un tiki mas di e Krus di Señor Hesus ku nos mester karga, maske e ta kosta.
Apòstol Pedro tabatin aktitutnan kontrali di humildat, i ora el a heridá e sirbidó di e gransaserdote, dor di kap su orea kita afó, mesora el a risibí un reprendimentu di su Maesro: ” … Hinka bo sabla bèk na su lugá, ken ku usa sabla pa bringa, lo muri di sabla. ” (Mateo 26:52)
Esaki ta nifiká, Pedro a kere ku su reakshon mester tabata meskos ku e aktitut ku otronan tabatin kontra di djé.
E kristian yalurs den su fe, semper ta purba di presentá su mes dilanti di e mundu akí ku e bon perfume di Kristu, pa medio di un komportashon simpel i digno. Un testimonio di outokonfiansa den Dios i un aktitut templado ta hasi e siguidó outéntiko di Señor Hesus transparente.
