E berdadero sirbidó, e sirbidó bon i fiel, ta mantené su pensamentu enfoká na e boluntat di su Señor. I esaki no ta debes en kuando. No! Esaki ta na misa, den kaya, en fin, tur kaminda.
Mi no ta kere ku Dios tin sirbidónan di kas. Sea bo ta Su sirbidó 24 ora pa dia i 365 dia pa aña òf no sirbi’É. Bo ta Tèmpel di Spiritu Santu òf no.
Pa e motibu ei, esun ku ta sirbi e Altísimo tin e konsenshi di su responsabilidatnan i no ta renunsiá nan pa nada. Famia, amistatnan òf kualkier kompromiso nunka por interferí den e prioridat di su sirbishi na Señor. E ta okupá e pensamentunan di e sirbidó permanentemente pasobra É ta su Señor, su Doño, su Tata.
Loke ta mas glorioso den e servisio na Señor ta e inspirashonnan di Su boluntat duná dor di Spiritu Santu. E sirbidó no tin duda den loke ta referí na e boluntat di Señor; e sa kiko meser hasi i e ta hasié. Miéntras tantu, Señor ta solamente warda ku Su boluntat ta wòrdu ehekutá. I mas ainda: nunka E ta pidi loke ta imposibel. Tur loke ku E pidi ta algu ku por duna òf hasi.
Pero mas aleu di esei, e sirbidó bon i fiel sa kon agradá Señor. Esei ta loke ta ser mirá den e parábola di e tres sirbidónan (Mateo 25:14-30). Inmediatamente después di a entregá e talentonan, Señor a biaha. Nan tabata sa kaba kiko nan tabata tin ku hasi. Ku nos ta diferente, pasobra Su Spiritu ta den nos.
Si un hende ke sirbi Mi, e mester sigui Mi; pues kaminda Mi ta, mi sirbidó tambe ta. Si un hende sirbi Mi, Tata lo honr’é.
Huan 12:26
Ku e Spiritu di Dios usa Su sirbidónan mas tantu i pa E inspirá e mesun fe den e otronan.
