Prepará pa e “Yuna di Daniel”
Wak kiko bo mester sa tokante e propósito spiritual aki
E “Yuna di Daniel” lo tuma lugá den henter Iglesia Universal. Den tempu bíbliko, hende tabata bini di tur kaminda pa adorá Dios na Herusalèm, den Tèmpel, i meskos asina lo sosodé durante e periodo spesial aki.
Loke bo mester sa:
- Kon bo mester prepará? Den orashon, den spiritu.
- Ta bon pa kòrda ku ta rekomendabel pa yega por lo ménos mei ora di antemano pa kada reunion, ya bo por kuminsá prepará bo mes.
Kon pa hasi e “Yuna di Daniel”:
E “Yuna di Daniel” ta inspirá pa e historia bíbliko di profeta Daniel, kende a wòrdu hibá prezu pa Babilonia huntu ku e pueblo di Herusalèm. E tabata un hóben ku tabatin un berdadero relashon ku Dios i, p’esei, a disidí di no mete ku e idolatria i mal kustumbernan ku tabata eksistí na Babilonia (ku, awe, ta representá nos mundu). Algun tempu despues, e la yuna pa 21 dia, buskando un kontesta spiritual serka Dios, i e la wòrdu kontestá. Pues, e “kuminda” di e mundu akí ta e informashonnan: nos ta siña tokante e notisianan teribel ku ta rondoná mundu, e músika di e momentu, e “tópikonan di moda” riba retnan sosial i otro temanan ku no ta relashoná ku Dios. E ta un berdadero bombardeo kontra di nos mente. P’esei, e Yuna di Daniel ta un tempu pa separá nos mes for di tur e “spiritu di e antikristu” (e pensamentunan originá dor di e maldat kontené den e mundu akí) ku por ta hinká den e mensahenan aki i, asina, regresá na e Palabra di Dios. Pues, durante e “Yuna di Daniel”, nos lo alimentá nos alma ku tur loke ta bini di Spiritu Santu.
