Temor
Proverbionan kapítulo 14 versíkulo 27
Proverbionan kapítulo 8 versíkulo 13
Abo sa kiko ta Temor na Dios ?
Abo sa kiko ta Rèspèt pa Dios ?
Hopi biaha nos tin rèspèt of miedu di hasta benta e nòmber di diabel!
Pero ora ta trata pa e nòmber riba tur nòmber nos no tin ni rèspèt pa ku esei.
Hopi persona tin miedu/rèspèt /temor pa tur kos i pa Dios mes nos no tin tantu temor pa É ku por tin nos bou di su mannan i ta warda nos for di tur maldat di e mundu aki.
Hudas a pèrdè su temor maske ku e tabata un di esnan ku tabata huntu ku Hesus i a siña tur loke Hesus a siña su disípelnan, pero tòg el a pèrdè su temor i a traishoná Hesus pa 30 moneda di plata. Pa bo mira ki baho un persona por kai ora nan pèrdè temor na Señor.
Temor na Dios, rèspèt pa Dios ta saka nos for di e gára di maldat.
Un pushi su gára ta fuerte pa ora e tin ku gára tene pa e no kai òf ora e mester defendé su mes for di kualke atake.
Un leon su gáranan ta pa e por protehé su mes i su famia òf ataká kualke un kontrinkante.
Gára di malu, ta esun ku nos tin ku ataká manera e leon i hasta e pushi indefenso, pa nos por ta liber di tur maldat i di e mesun forma uza nos gáranan pa gára na Dios pa e por warda nos for di e gáranan di maldat i e mundu aki.
E ùniko ku por liberá nos for di e gáranan di maldat ta Señor Hesus. Nos tin ku entregá nos mes por kompletu na su pianan.
Temor ta 1 di e fuentenan di bida pa nos por yega na Señor.
