Mi no ta resa solamente pa esnan akí, ma tambe pa esnan ku pa medio di nan palabra lo kere den Mi. Tata, mare nan tur por ta ún, manera Abo ta den Mi i Ami den Bo, pa asina nan por ta den nos, pa mundu kere ku Abo a manda Mi.
Huan 17:20 – 21
Esei tabata e orashon di Señor Hesus promé ku el a bai serka Tata. El a roga pa tur esnan ku ta kere den e kalis di salbashon (ku a wòrdu ofresé na tur pekador), ku ta hasi nos unu den dj’E, manera E ku Su Tata. Un union perfekto den pensamentu i deseo, pa tur hende wak Su grandesa mediante di e manifestashon di Su poder den bida di Su eskohínan.
